Oregano:   Í Ítalskri matargerð er oregano ómissandi. Í réttum með tómat gegnir oregano lykilhlutverki ásamt mozzarella ostinum, t.d. á pizzum og í pastaréttum. Í Franskri matargerð er það nátengt paté-inu. Oregano er álitið nauðsynlegt í matargerð Grikklandi og Spánverjar nota það m.a. á paellu.

Steinselja.

Parsley. Petroselinum crispum.
Er bæði notuð fersk og þurrkuð, einkum sem skraut. Með grill og kjötréttum er hún oft notuð í heilum kvistum en algengara er að hún sé söxuð og stráð yfir réttina. Í kryddvendi er hún sjálfsögð. Söxuð steinselja á vel við hvítlauk og er talin draga úr hvítlaukslykt. Við þurrkun missir jurtin mikið af ferkum ilminum sem er eitt það helsta sem gerir hana eftirsótta. Ekki skal sjóða steinselju lengi, laufin skal setja í réttinn skömmu fyrir framreiðslu en stöngla má elda nokkuð lengur, til að fá meira bragð í réttinn.
Ýmis afbrigði eru til af steinselju;

Hrokkinblaðsteinselja.

Er algeng í matargerð á Íslandi. Hún geymist vel í kæliskáp er falleg heil og fersk í skreytingar en er bragðminna en mörg önnur afbrigði.

 

Sléttblaðsteinselja.

Oft nefnd ítölsk eða frönsk steinselja. Hún er bragðmeiri en ekki jafn römm og Hrokkinblaðsteinseljan